لاہور (سپورٹس رپورٹر) چیئرمین پی سی بی چودھری ذکا اشرف نے سابق وزیراعظم سید یوسف رضا گیلانی کے بیٹے علی حیدر گیلانی کے اغوا پر اظہار ہمدردی کیا ہے۔ گذشتہ روز چیرمین پی سی بی نے سابق وزیراعظم گیلانی کو ٹیلیفون کیا اور توقع ظاہر کی کہ ان کے مغوی بیٹے کو جلد بازیاب کرا لیا جائے گا۔ یاد رہے کہ علی حیدر گیلانی کو دو روز قبل ان کے حلقہ سے مسلح افراد نے اغوا کر لیا تھا جنہیں تاحال پولیس بازیاب کرانے میں ناکام رہی ہے۔