اسلام آباد (اے پی پی) قومی ایتھلیٹکس چیمپئن شپ کی تیاری کے سلسلہ میں پاکستان ائرفورس کے ایتھلیٹکس تربیتی کیمپ جناح سٹیڈیم میں جاری ہے۔ گذشتہ روز پاکستان ائرفورس ٹیم کے اسسٹنٹ کوچ محمد آمین نے بتایا کہ تربیتی کیمپ میں23 کھلاڑی حصہ لے رہے ہیں جو مختلف کیٹگریز میں حصہ لیں گے۔ ان کھلاڑیوں کو اعلیٰ اور جدیر تربیت دی جا رہی ہے۔ انہوں نے کہا کہ قومی ایتھلیٹکس چیمپئن شپ 24 مئی سے جناح سٹیڈیم میں کھیلی جائے گی جس میں ملک بھر سے ایتھلیٹکس حصہ لیں گے۔ انہوں نے کہا کہ ہماری کوشش ہوگی کہ زیادہ سے زیادہ ایونٹس میں کامیابی حاصل کریں۔