لاہور(سپورٹس ڈیسک) پاکستان بلئیرڈزاینڈ سنوکرایسوسی ایشن نے پہلی ایشین ٹیم ایونٹ اورسکس ریڈ سنوکرچیمپئن شپ کیلئے چاررکنی ٹیم کا اعلان کردیا۔چوبیس سے تیس مئی تک قطرکے دارلحکومت دوحہ میں کھیلے جانیوالے پہلے ایشین ٹیم ایونٹ اورسکس ریڈ بال چیمپئن شپ میں پاکستان کی چاررکنی ٹیم حصہ لیگی۔ ٹیم میں عالمی چیمپئن محمد آصف، محمد سجاد، حمزہ اکبراورماجد علی شامل ہیں۔ پاکستانی کیوئیسٹس چیمپئن شپ سے نوروزقبل پندرہ مئی کوقطرروانہ ہوں گے جہاں وہ دوحہ سنوکراکیڈمی میں پروفیشنل کوچ کی زیرنگرانی ایونٹس کی تیاری کریں گے۔ ایشین کنفڈریشن آف بلئیرڈزسپورٹس کے سیکریٹری مبارک ال خیارن نے پی بی ایس اے کے صدرعالمگیرشیخ کی خصوصی درخواست پرپاکستانی کیوئیسٹس کودوحہ سنوکراکیڈمی میں ٹریننگ کی اجازت دی۔