ایبٹ آباد ،ڈی پی او کی گاڑی کے قریب بم دھماکہ ، 3افراد زخمی
ایبٹ آباد(آئی این پی)ایبٹ آباد میںڈی پی او کی گاڑی پر ریموٹ کنٹرول حملے میں 3افراد زخمی ہو گئے،ڈی پی اواور باقی عملہ محفو ظ رہا۔ پولیس کے مطابق جمعہ کو ڈی پی او شاہ نذر بم ڈسپوزل اسکواڈ کے ہمراہ ایک روز قبل تور غر میں ہونے والے دھماکے کی جگہ کا معائنہ کرنے کے بعد واپس آ رہے تھے کہ ترلہ چیک پوسٹ کے قریب ڈی پی او شاہ نذر اور بم ڈسپوزل اسکواڈ کی گاڑی کے درمیان ریموٹ کنٹرول بم کا دھماکہ ہواجس میں 3افراد زخمی ہوئے۔ تا ہم ڈی پی او شاہ نذراور ان کا عملہ محفوظ رہا۔زخمیوں کوڈسٹرکٹ ہیڈ کوارٹر ہسپتال ایبٹ آباد منتقل کر دیا گیا، ڈسٹرکٹ ہیڈ کوارٹر ہسپتال ایبٹ آبادمیں ایمر جنسی نافذ کر کے ضلع بھر میں سیکیورٹی ہا ئی الرٹ کر دی گئی۔
