شیخوپورہ (نامہ نگار خصوصی) ضلع شیخوپورہ میں قومی اور صوبائی اسمبلی کے12حلقوں میں آج امیدواروں کے درمیان انتہائی سنسنی خیز مقابلے ہونے کی توقع ہے۔ انتخابی مہم کے دوران بڑی سیاسی جماعتوں نواز لیگ، تحریک انصاف، پیپلزپارٹی، جماعت اسلامی کے امیدواروں کے علاوہ کئی حلقوں میں آزاد امیدوار بھی اپنی پوزیشن بہتر بنانے میں کامیاب رہے ہیں قومی اسمبلی کے ضلع شیخوپورہ کے چاروں حلقوں اور پنجاب اسمبلی کے آٹھ حلقوں میں امیدواروں کے درمیان اس مرتبہ انتہائی کانٹے دار مقابلے ہو رہے ہیں بعض امیدوار ہر صورت میں الیکشن جیتنے کی کوشش کر رہے ہیں اور کئی بڑے قد آور سیاسی شخصیات کو انتہائی مشکل حالات کا سامنا کر نا پڑ رہا ہے۔