اڈیالہ جیل کے قیدیوں کے ووٹ، شکیل اعوان نے شیخ رشید ، عمران خان نے حنیف عباسی کو ہرا دیا
راولپنڈی (آئی ا ین پی) اڈیالہ جیل میں قیدیوں کے پوسٹل بیلٹ کے غیر حتمی غیرسرکاری نتائج کے مطابق مسلم لیگ (ن) کے این اے 55 سے امیدوار شکیل اعوان نے عوامی مسلم لیگ کے سربراہ شیخ رشید کو 1400 ووٹوں سے ہرا دیا جبکہ تحریک انصاف کے سربراہ عمران خان نے این اے 56 سے مسلم لیگ (ن) کے امیدوار محمد حنیف عباسی کو اڈیالہ جیل کے قیدیوں کے ووٹوں سے شکست دیدی۔ ملک شکیل اعوان نے 1700 ووٹ حاصل کئے ہیں جبکہ شیخ رشید احمد300 ووٹ حاصل کئے۔ قیدیوں نے تحریک انصاف کے سربراہ عمران خان کو اپنا پسندیدہ لیڈر قرار دیا ہے۔ انہیں 240 جبکہ ان کے مد مقابل مسلم لیگ (ن) کے محمد حنیف عباسی کو 135 ووٹ ملے ہیں۔
