اوکاڑہ (نامہ نگار) اوکاڑہ کے نواحی گاﺅں میں 105 سالہ خاتون نے بھی ووٹ کاسٹ کیا۔ وہ اپنے پوتوں کے ہمراہ پولنگ سٹیشن پر پہنچی۔ تفصیلات کے مطابق چک نمبر 4 فور ایل اوکاڑہ کی رہائشی 105 سالہ راحت بی بی بھی ملکی حالات کے پیش نظر ملک کی تقدیر بدلنے کے لئے اپنے ووٹ کا استعمال کرنے پولنگ سٹیشن پہنچی جسے اسکے پوتے پولنگ سٹیشن تک لے کر گئے۔ راحت بی بی جو کہ چاک و چابند نظر آرہی تھی، نے نوائے وقت سے گفتگو کرتے ہوئے کہا کہ اس نے پاکستان بننے سے آج تک تمام انتخابات میں اپنا ووٹ کاسٹ کیا ہے۔