آئی سی سی کرکٹ کمیٹی کا اجلاس 28 اور 29 مئی کو لندن میں ہوگا
لندن (اے پی پی) انٹرنیشنل کرکٹ کونسل (آئی سی سی) کرکٹ کمیٹی کا دو روزہ اجلاس 28 مئی سے لندن میں شروع ہوگا جس کی صدارت انیل کمبلے کریں گے۔ آئی سی سی کے مطابق اجلاس 28 اور 29 مئی کو لندن میں ہوگا جس میں کھیل کو بہتر اور دلچسپ بنانے کیلئے تجاویز دی جائیں گی۔ جنہیں منظوری کیلئے آئی سی سی ایگزیکٹو کمیٹی اور بورڈ میٹنگ کے اجلاس میں بھیجا جائے گا۔ بھارت کے سابق کپتان اور مایہ ناز اسپنر انیل کمبلے پہلی بار اجلاس کی صدارت کریں گے۔ انگلینڈ کے سابق کپتان اینڈریو سٹراﺅس اور بھارتی اسپنر لکشمن سیوا راما کرشنن بھی پہلی بار اجلاس میں شرکت کریں گے۔
