دسویں ویمن قومی سائیکلنگ چیمپئن شپ 16مئی سے شروع ہوگی
لاہور (اے پی پی) دسویں ویمن قومی سائیکلنگ چیمپئن شپ 16مئی سے 19مئی تک سائیکلنگ ویلڈروم لاہور میں منعقد ہوگی۔ چیمپئن شپ میں پاکستان سائیکلنگ فیڈریشن سے منسلک یونٹ پاکستان آرمی، واپڈا، ایس ایس جی سی، چاروں صوبے اور فاٹا کی خواتین ٹیمیں حصہ لیں گی۔ چیمپئن شپ پاکستان آرمی کے زیر اہتمام ہوگی۔ چیمپئن شپ میں سات مختلف ایونٹ کا انعقاد ہوگا جس میں ٹائم ٹرائل، سپرنٹ، انفرادی پرسویٹ، ایلیمینیشن، انفرادی روڈ ٹائم ٹرائل، ٹیم ٹائم ٹرائل اور سکریچ روڈ ریس شامل ہے۔ پاکستان سائیکلنگ فیڈریشن کے مطابق قومی ویمن چیمپئن شپ کے علاوہ جونیئر ویمن چیمپئن شپ اور انڈر 23 ایونٹ کا بھی انعقاد ہوگا۔
