”شیر پنجاب نوازشریف اگلے وزیراعظم“مسلم لیگ ن کی جیت پر بھارتی میڈیا میں خوشی کی لہر دوڑ گئی۔۔۔۔۔۔۔ نئی دہلی (نیٹ نیوز) پاکستان میں انتخابات اور انکے نتائج سے متعلق تبصرے تجزیے رپورٹیں بھارتی ذرائع ابلاغ پر چھا گئیں خاص کر مسلم لیگ ن کے صدر محمد نوازشریف اور انکی جماعت کی جیت پر بھارتی میڈیا کی خوشی انکی سرخیوں اور تجزیوں میں نظر آئی۔ این ڈی ٹی وی نے سرخی چلائی ”پنجاب کا شیر نوازشریف پاکستان کا اگلا وزیراعظم“ ”پاکستان میں تاریخی انتخابات ہوئے“ نوازشریف تیسری مرتبہ وزیراعظم بننے کیلئے تیار“ ایک سکھ تجزیہ کار نے کہا کہ امریکہ سے خراب تعلقات میں بہتری، پاکستانی معیشت کی خراب صورتحال بڑھتی مہنگائی اور بیروزگاری، بجلی کا بحران نوازشریف کیلئے بڑے چیلنج ہونگے۔