جے پور (این این آئی) چنئی سپر کنگ کے کپتان مہندرا سنگھ دھونی نے شکست کا ذمہ دار باﺅلرز کر ٹھہرایا ہے اور کہا کہ باﺅلرز نے مایوس کن کارکردگی کا مظاہرہ کیا ہے۔ میڈیا سے گفتگو کرتے ہوئے دھونی نے کہا کہ ان کے بیٹسمین نے پہلے 10 سے 11 اوورز میں بہترین کارکردگی کا مظاہرہ کیا لیکن راجستھان رائلز کے بیٹسمین شین واٹسن کی اننگز کے سامنے ہمارے باﺅلرز کچھ نہیں کر سکے۔ انہوں نے کہا کہ میچ فاسٹ باﺅلرز کے ہاتھوں میں تھا لیکن انہوں نے اچھی باﺅلنگ کا مظاہرہ نہیں کیا۔ انہوں نے کہا کے باﺅلرز کی غیر ذمہ داری کی وجہ سے ہم اپنے سکور کا دفاع بھی نہیں کر سکے۔ انہوں نے کہا کے بہترین ٹریک کے باوجود ہم اچھا ٹارگٹ نہیں دے سکے۔