دورہ یورپ :قومی جونیئر ہاکی ٹیم کے ٹرائلز آئندہ ہفتے ہوں گے
لاہور(سپورٹس ڈیسک) دورہ یورپ کیلئے پاکستان جونئیرہاکی ٹیم کے انتخاب کے سلسلے میں ٹرائلزآئندہ ہفتے ہوں گے۔پی ایچ ایف کے چارسالہ دورمیں جونئیرٹیم پہلی باریورپ کا دورہ کررہی ہے، جہاں وہ تین ممالک میں آٹھ میچزکھیلے گی۔ ٹیم کا دورہ یورپ جونئیرورلڈ کپ کی تیاریوں کا حصہ ہے جورواں سال دسمبرمیں بھارت میں کھیلا جائیگا۔ قومی جونئیرٹیم کا تربیتی کیمپ اسلام آباد کے نصیربندہ اسٹیڈیم میں جاری ہے۔ دورہ یورپ کیلئے ٹیم کے انتخاب کے سلسلے میں ٹرائلزآئندہ ہفتے ہوں گے جس کے بعد اٹھارہ رکنی ٹیم کا انتخاب کیا جائیگا۔ پاکستان جونئیرٹیم دورہ یورپ کے دوران ہالینڈ اورجرمنی میں تین تین جبکہ بیلجئیم میں دومیچز کھیلے گے۔
