نواب شاہ (نوائے وقت رپورٹ) نواب شاہ میں موٹر سائیکل چھیننے والے دو ڈاکوﺅں کو شہریوں نے پکڑ کر تشدد کا نشانہ بناکر پولیس کے حوالے کردیا۔ نجی ٹی وی کے مطابق نواب شاہ کے قریب نواب ولی محمد کے علاقے میں تین ڈاکو دو افراد سے موٹر سائیکلیں چھین کر فرار ہورہے تھے کہ شہریوں نے دو ڈاکو پکڑ لئے جبکہ ایک فرار ہوگیا۔ لوگوں نے دونوں ڈاکوﺅں کی خوب پٹائی کی۔ ایک شہری نے ڈاکوﺅں کو ٹکریں ماریں۔ جب شہری مار مار کر تھک گئے تو ڈاکوﺅں کو پولیس کے حوالے کردیا۔ پولیس کا کہنا ہے کہ پکڑے گئے ڈاکو ڈکیتیوں، اغواءبرائے تاوان اور دیگر وارداتوں میں مختلف تھانوں کو مطلوب ہیں۔