لاہور(اےن اےن آئی)بھارتی ٹی وی چینلز نے اسپاٹ فکسنگ میں سری سانتھ سمیت پکڑے گئے تین کھلاڑیوں سے توجہ ہٹانے کے لئے توپوں کا رخ پاکستان کی طرف موڑ دیا ہے ۔بھارتی میڈیا ایک مرتبہ پھر اپنی پرانی روش پر اتر آیا ہے ،سب کوغیرجانبداری اوراخلاق کادرس دینے والے بھارتی میڈیاکا حال اِس وقت کھسیانی بلی کھمبانوچے جیسا ہی ہے۔جس نے اپنے نام نہادہیروزکے کالے کرتوت چھاپنے کیلئے توپوں کارخ پاکستان کی طرف کر دیا ہے ۔بھارتی کھلاڑیوں کے کالے دھندے کابھید کیا کھلا کہ انڈین میڈیا گڑھے مردے ا±کھاڑنے لگا ہے ،بھارتی چینلز بجائے اپنے کھلاڑیوں کوکوسنے کیلئے پاکستان کے سپاٹ فکسنگ سکینڈل کو لئے بیٹھے ہیں۔بھارتی کھلاڑیوں نے اپنا گناہ بھی مان لیا،خفت مٹانے کیلئے کوئی چارہ نہیں بچاتوبھارتی میڈیا نے اپنے کھلاڑیوں سے توجہ ہٹانے کیلئے پاکستانی کھلاڑیوں کاراگ الاپنا شروع کر دیا ہے ۔