کراچی : 5 نوجوان کینچھر جھیل میں ڈوب گئے، 2 جاں بحق، 3 کو بچا لیا گیا
کراچی (آئی این پی) کراچی کے علاقے کھارا در کے پانچ نوجوان کینچھر جھیل میں ڈوب گئے‘ دو جاں بحق ‘ تین کو بچالیا گیا۔ کینچھر جھیل پر سیرو تفریح کیلئے آئے ہوئے کراچی کے علاقے کھارا در کے پانچ نوجوان جنہیں تیز ہواﺅں کی لہروں نے گہرے پانیوں میں پھینک دیا تھا میں سے عمر اور عثمان ڈوب گئے جبکہ تین نوجوانوں کو مقامی غوطہ خوروں نے بچالیا۔ ہلاک ہونے والے دونوں نوجوانوں کی لاشیں سول ہسپتال مکلی لائی گئیں جہاں ضروری کارروائی کے بعد ورثاءکے حوالے کردی گئیں۔
