نواز شریف سے فخر امام کی ملاقات ‘حکومت سازی سمیت اہم امور پر تبادلہ خیال
کبیروالا(نامہ نگار) مسلم لیگ(ن) کے سربراہ میاں نواز شریف سے سابق سپیکر قومی اسمبلی سید فخر امام کی ون ٹو ون ملاقات ہوئی، حکومت سازی سمیت دیگر امور پر بات چیت کی گئی۔ تفصیل کے مطابق مسلم لیگ (ن) کے مرکزی رہنما اور سابق سپیکر قومی اسمبلی سید فخر امام نے گزشتہ روز لاہور میں مسلم لیگ (ن) کے سربراہ میاں نواز شریف سے ملاقات کی۔ ون ٹو ون ہونے والی مذکورہ ملاقات میں دونوں رہنماﺅں کے درمیان ہونے والی بات چیت میں حکومت سازی، مسلم لیگ (ن) کی قائم ہونے والی حکومت کو درپیش چیلجز سمیت دیگر اہم امور پر تبادلہ خیال ہوا۔
