کراچی (سٹاف رپورٹر) تحریک تکمیل پاکستان سندھ کے صدر اورممتاز مسلم لیگی محفوظ النبی خان نے میاں نواز شریف اور مسلم لیگ (ن) کی قیادت کو تجویز پیش کی ہے کہ پنجاب میں مسلم لیگ (ن) کے ٹکٹ پرکامیاب ہونے والے ارکان قومی اسمبلی کی خالی نشستوں پر کراچی کی معروف مسلم لیگی شخصیات ممنون حسین، انجینئر شاہ میر خان اور نہال ہاشمی کو ٹکٹ دیئے جائیں۔ اس اقدام سے سندھ میں پارٹی کی ساکھ میں اضافہ ہوگا اورکراچی کے شہریوں کیلئے یہ خیرسگالی کا اقدام ہوگا۔