لندن (اے پی اے) متحدہ قومی موومنٹ کے قائد الطاف حسین کراچی میں قومی اسمبلی کی 18 نشستیں جیتنے کے باوجود تحریک انصاف کی مقبولیت میں اضافے سے شدید پریشانی کا شکار ہیں۔ رپورٹ میں کہا گیا ہے کہ ایم کیو ایم نے اگرچہ کراچی میں عام انتخابات کے دوران 18 نشستیں جیت لیں مگر اس جماعت کے ووٹ بینک میں 10 فیصد کمی دیکھنے میں آئی ہے کہ جبکہ تحریک انصاف ایک اہم چیلنجر کی حیثیت سے ابھری ہے۔ الطاف حسین نے لندن سے اپنے ٹیلیفونک خطاب میں شدید ردعمل ظاہر کیا، جس کے بارے میں لندن پولیس بھی تفتیش کررہی ہے کہ یہ تشدد بڑھانے کا سبب تو نہیں بنی۔ الطاف حسین حالیہ انتخابی نتائج پر سکتے کا شکار ہیں۔