سجال کی جنرل کونسل کا اجلاس آج ہو گا
لاہور (سپورٹس رپورٹر) سپورٹس جرنلسٹس ایسوسی ایشن آف لاہور سجال کی ششماہی جنرل کونسل اجلاس آج نیشنل ہاکی سٹیڈیم میں صدر علی ہاشمی کی زیرصدارت منعقد کیا جائے گا۔ ایسوسی ایشن کے سیکرٹری اشرف چودھری کے مطابق آئینی طور پر ہر چھ ماہ کے بعد جنرل کونسل کا اجلاس منعقد کیا جانا ضروری ہے۔ اجلاس میں گزرے چھ ماہ میں ایسوسی ایشن کی کارکردگی اور آنے والے چھ ماہ میں ایسوسی ایشن کے پروگرامز کی منظوری بھی دی جائے گی۔
