ہربنس پورہ: گھر میں آگ لگنے سے خاتون زندہ جل گئی، شوہر اور بچی شدید زخمی
لاہور (نامہ نگار) ہربنس پورہ کے علاقہ میں ایک گھر میں آگ لگنے سے خاتون ہلاک جبکہ اس کا خاوند اور بیٹی شدید زخمی ہو گئے۔ تفصیلات کے مطابق ہربنس پورہ کے علاقہ مسکین پورہ کے رہائشی شہباز کے گھر میں سوئی گیس لیکج کی وجہ سے آگ بھڑک اٹھی۔ آگ کی زد میں آ کر شہباز، اس کی 36سالہ بیوی روبینہ اور بیٹی حنا شدید زخمی ہو گئے۔ آتشزدگی سے گھر میں موجود لاکھوں روپے مالیت کا سامان جل کر تباہ ہو گیا۔ اطلاع ملنے پر امدادی ٹیموں نے موقع پر پہنچ کر زخمیوں کو طبی امداد کے لئے ہسپتال پہنچایا جہاں روبینہ زخموں کی تاب نہ لاتے ہوئے دم توڑ گئی جبکہ زخمی شہباز اور حنا کی حالت تشویشناک بتائی جاتی ہے۔
