پشاور (اے پی پی )کوہاٹ ڈی پی او دلاوربنگش پر راکٹ حملہ میں شہید 6پولیس اہلکاروں ،سکواڈ انچارج شعیب نور ،کانسٹیبل مشتاق ،کانسٹیبل مداثر،کانسٹیبل شہزاد ، کانسٹیبل نورزمان ،کانسٹیبل نصراللہ کی نماز جنازہ کوہاٹ پولیس لائن میں ادا کر دی گئی جہاں پولیس کے چاک وچوبند دستوں نے شہداءکی میتوں کو سلامی دی ، نماز جنازہ میں پولیس کے اعلی ٰ حکام سمیت ضلع بھر کی معروف سماجی وسیاسی شخصیات نے شرکت کی ،نماز جنازہ کے بعد تمام شہداءکی میتوں کو انکے آبائی علاقوں کو روانہ کر دیا گیا جہاں بعد آزاںانہیں اپنے آبائی قبرستانوں میں مکمل سرکاری اعزاز کے ساتھ سینکڑوں اشکبار آنکھوں کے سامنے سپرد خاک کر دیا گیا۔