چین: کوئلہ کان میں پانی بھر جانے سے 9 کانکن ہلاک‘ ایک لاپتہ
بیجنگ (آن لائن) چین میں ایک کوئلہ کان میں پانی بھر جانے سے نو کانکن ہلاک جبکہ ایک لاپتہ ہو گیا۔ غیر ملکی خبررساں ادارے کے مطابق واقعہ صوبہ شیرنگ میں واقع کوئلہ کی کان میں اس وقت پیش آیا جب متعدد کانکن کام میں مصروف تھے۔ اس موقع پر اچانک کوئلہ کان میں پانی بھر گیا۔ حادثہ میں 9 کانکن موقع پر ہلاک جبکہ ایک لاپتہ ہو گیا۔ ریسکیو نے امدادی کارروائیاں شروع کر دی ہیں۔
