فیروز والا (نامہ نگار) ڈسٹرکٹ جیل شیخوپورہ میں مختلف نوعیت کے مقدمات میں ملوث 6 بچے بھی بند ہیں جن کو شدید گرمی میں انتہائی اذیت کے ساتھ رہنا پڑ رہا ہے۔ جبکہ جیل میں گنجائش سے تین گنا زیادہ 2225 کے قریب قیدی بند ہیں۔ اس بات کا انکشاف اس وقت ہوا جب ججوں کی ایک خصوصی ٹیم جیل کے معائنہ پر تھی۔ جیل میں سزا یافتہ قیدی 161 ہیں جبکہ ایک خاتون بھی سزا کاٹ رہی ہے، جیل میں 4 افراد بھی نظر بند ہیں۔ اس جیل میں 862 افراد کو بند کرنے کی گنجائش ہے مگر اس وقت شیخوپورہ میں 2225 کے لگ بھگ افراد بند ہیں۔