اسلام آباد (سپیشل رپورٹ) افغانستان میں اتحادی فوج کے سربراہ جنرل جوزف نے چیف آف آرمی سٹاف جنرل اشفاق پرویز کیانی سے ملاقات کی۔ عسکری ذرائع کے مطابق ملاقات میں پاکستان افغان سرحدی صورتحال کے علاوہ امریکی اور نیٹو افواج کے افغانستان سے انخلا کے بعد کے معالات پر بات چیت ہوئی۔ نجی ٹی وی کے مطابق آئی ایس پی آر نے بتایا ہے کہ ملاقات میں افغانستان سے نیٹو فورسز کے انخلا کے علاوہ دہشت گردی کے خلاف جنگ پر بھی گفتگو کی گئی۔ پاکستان افغان سرحد پر پاک فوج اور ایساف کے درمیان تعاون بڑھانے پر اتفاق کیا گیا۔