لاہور(سپورٹس رپورٹر) دوسری 6 ریڈ ایشین سنوکر چیمپئن شپ 2013ء میں پاکستان محمد آصف ایشیئن سکس ریڈ بال سنوکر کے سیمی فائنل میں پہنچ گئے کوارٹرز فائنل میں محمد آصف نے ہم وطن محمد سجاد کو 6-2 سے شکست دی۔ سیمی فائنل میں محمد آصف کے مدمقابل آج بھارت کے لکشمن ہوں گے۔ دریں اثناء پری کوارٹر فائنل میں محمد آصف اور محمد سجاد نے اپنے حریف کھلاڑیوں کو شکست دیکر کوارٹر فائنل میں جگہ بنا لی ہے۔ چیمپئن شپ میں گذشتہ روز پہلے پری کوارٹر فائنل میں پاکستان کے محمد سجاد نے چین کے وانگ زیپنگ کو پانچ صفر سے مات دیکر کوارٹر فائنل میں جگہ بنائی دوسرے پری کوارٹر فائنل میں پاکستان کے عالمی چیمپئن محمد آصف نے یو اے ای کے محد صاحب کے خلاف پانچ ایک سے کامیابی اپنے نام کی۔