شیخوپورہ (نامہ نگار خصوصی ) پی پی 167کے نومنتخب رکن پنجاب اسمبلی و ضلعی صدر نواز لیگ محمد عارف خان سندھیلہ نے شہریوں کا شکریہ ادا کرنے کی خاطر فاطمہ جناح روڈ، سول کوارٹر روڈ عزیز بھٹی روڈ اور اس سے ملحقہ گلیوں کا بینڈ باجوں کے جلوس کے ساتھ راﺅنڈ لگایا اس موقعہ تاجر برادری کے رہنماﺅںیونس مغل، شبیر مغل، طاہر، ملک ارشد، باﺅ محمد عاشق، حاجی محمدس اسلم، اشرف ملنگی، ملک یعقوب، حاجی لطیف کے علاوہ نواز لیگ کے متعد د عہدیداران سردار نسیم ڈوگر بھی ان کے ہمراہ تھے چودہری محمد عارف خان سندھیلہ کی عوام کا حالیہ الیکشن میں انہیں ووٹ دینے پر شکریہ ادا کرنے کا یہ راﺅنڈ اس وقت کھلی کچہری میں بدل گیا جب لوگوں نے ان کے اردگرد شہری مسائل کے انبار لگا دئے متعدد خواتین نے انہیں عزیز بھٹی روڈ پر روک کر شکایات کی کہ مین بازار او ر اس سے ملحقہ گلیوں میں ٹی ایم اے کے عملہ کی ملی بھگت سے تجاوزات بڑھ گئی ہیں ں غریب مریضوں کو ادویات فراہم نہیں کی جا رہیں ہسپتال کے وسائل چند لوگوں کیلئے محدود ہیں ہسپتالوں کے ایئر کنڈیشنڈ کئی وارڈوں میں بند پڑے ہیں نو منتخب رکن پنجاب اسمبلی چودہری محمد عارف خان سندھیلہ نے شہریوں پر زور دیا کہ وہ اپنے مسائل کے حل کیلئے اتحاد کا مظاہرہ کریں انہوں نے کہا کہ حلف برداری کے بعد میں نے صرف اور صرف شہریوں کے مسائل کے حل کیلئے توجہ دینی ہے۔ دریں اثنا عارف خان سندھیلہ نے شہریوں سے ملاقات کر کے ان کا شکریہ ادا بھی کیا۔