حافظ آباد (نمائندہ نوا ئے وقت) تھانہ صدرپولیس حافظ آباد کی کارکردگی ڈکیتی کے ایک ماہ بعدمقدمہ درج ہوا اور واردات کے دوران چھیناگیا موبائل واپس مل گیا مگر ملزمان کی گرفتاری ابھی تک عمل میں نہ آسکی ۔ تفصیلات کے مطابق گوجرانوالہ روڈ حافظ آباد پر واقع پٹرول پمپ سے تین ڈاکووں نے 91600 روپے اور ایک موبائل لوٹ لیا تھا ۔پٹرول پمپ کے مالک عدنان یاسر سرویا کے مطابق سم کے ذریعے ملزمان تک رسائی ممکن ہو گئی مگر پولیس ملزمان کی گرفتاری میں ابھی تک ٹال مٹول سے کام لے رہی ہے۔متاثرین واردات نے اعلی حکام سے اپیل کی کہ لوٹی رقم سمیت ملزمان کی گرفتاری عمل میں لائیں۔