فیصل آباد (نمائندہ خصوصی) فیصل آباد آرٹس کونسل میں یوم تکبیر کے حوالہ سے ایک منفرد تقریب کا انعقاد کیا گیا جس میں ایک اسلامی میزائل کی تقریب رونمائی کی گئی۔ تقریب میں معززین شہر نے بھاری تعداد میں شرکت کی۔ تقریب میں حاضرین کو بتایا گیا کہ اس اسلامی میزائل کی انفرادیت یہ ہے کہ یہ دنیا کا واحد میزائل ہے جو کہ دیکھنے میں میزائل لیکن استعمال میں قلم کی طرح ہے۔ اس میزائل کی لمبائی یوم مئی کے حوالہ سے 28میٹر ہے اس پر قرآن پاک لکھا ہوا ہے اس کا وزن 40کلوگرام ہے اور اسی طرح اس کی لائنز 114 ہیں کیونکہ قرآن پاک 114سورتوں پر مشتمل ہے۔