لاہور (پ ر) واپڈا کارکن آج پانچ ستاروں والے سبز ہلالی پرچم کے انتخابی نشان پر مہر لگائیں۔ واپڈا ایمپلائز پیغام یونین پہلے چار ریفرنڈموں میں مسلسل ہار چکی ہے۔ واپڈا محنت کشوں کی تنظیم اور جدوجہد کمیٹی کی سربراہی میں بشیر احمد خان بختیار سالہا سال سے جدوجہد کرتے رہے اور بزرگ مزدور رہنما خورشید احمد کی قیادت میں واپڈا کے محنت کشوں نے چار مرتبہ جیت کر متحارب یونین کو شکست دی۔ یہ بات آل پاکستان واپڈا ہائیڈرو الیکٹرک ورکرز یونین کے ساجد کاظمی، سید ثقلین شاہ، چودھری مقصود احمد، حاجی نوید ڈوگر، ذاکر علی شاہ، رانا محمد اکرم، رانا شکور احمد، اسامہ طارق، طارق پرویز، شفقت جاوید، شیخ محمد شعیب، جاوید اقبال کاشمیری، ظفر علی شاہ نے کہی۔