فرانس، جرمنی کے سفیروں، مسلم لیگ ن اوورسیز کے عہدےداروں کی نوازشریف سے ملاقاتیں شریف برادران آج ارکان اسمبلی سے ملیں گے
لاہور (خصوصی رپورٹر) فرانس اور جرمنی کے سفیروں نے نوازشریف سے ملاقات میں مسلم لیگ (ن) کی عام انتخابات میں کامیابی پر فرانسیسی صدر اور جرمن چانسلر کی جانب سے مبارکباد پیش کی۔ علاوہ ازیں اووسیز تنظیم کے عہدےداران چودھری نور الحسن تنویر، چودھری الطاف، افتخار بٹ نے بھی نوازشریف سے ملاقات کر کے انہیں مبارکباد دی۔ نوازشریف آج صبح پونے دس بجے اسلام آباد میں اپنی جماعت کے ارکان قومی اسمبلی سے ملاقاتیں کریں گے۔ صوبائی اسمبلی پنجاب کے ارکان کو صبح دس بجے پنجاب اسمبلی پہنچنے کی ہدایت کی گئی ہے۔ ذرائع کے مطابق ارکان اسمبلی کے حلف کے بعد شہباز شریف وزیر اعلیٰ چیمبر میں نومنتخب ارکان اسمبلی سے ملاقاتیں کریں گے۔
