اسلام آباد (خبرنگار) اوگرا نے پٹرول، ہائی اوکٹین اور لائٹ ڈیزل کی قیمت میں اضافہ جبکہ مٹی کے تیل اور ہائی سپیڈ ڈیزل کی قیمتوں میں کمی پر مشتمل نوٹیفکیشن جاری کر دیا ہے جس کے مطابق پٹرول کی قیمت میں 2 روپے 18 پیسے، ایچ او بی سی 18 پیسے اور لائٹ سپیڈ ڈیزل کی قیمت میں 7 پیسے اضافہ کیا گیا ہے جبکہ مٹی کے تیل کی قیمت میں 38 پیسے اور ہائی سپیڈ ڈیزل کی قیمت میں 1 روپیہ 46 پیسے کمی کر دی گئی ہے۔ اضافے کے بعد پٹرول کی قیمت 99.77 روپے، ایچ او بی سی 124.41 روپے، مٹی کا تیل 93.79 روپے، ہائی سپیڈ ڈیزل 104.60 روپے اور لائٹ ڈیزل کی قیمت 89.13 روپے ہو گئی ہے۔