لاہور (سپورٹس رپورٹر) پاکستان جونیئر ہاکی ٹیم ورلڈکپ کی تیاریوں کے سلسلہ میں دورہ یورپ کے لئے ہالینڈ روانہ ہو گئی۔ قومی ٹیم اپنے دورہ میں ہالینڈ اور جرمنی کے خلاف تین تین جبکہ بیلجیئم کے ساتھ دو میچوں کی سیریز میں حصہ لے گی۔ روانگی سے قبل چیف کوچ و منیجر رانا مجاہد نے نیشنل ہاکی سٹیڈیم میں میڈیا سے گفتگو کرتے ہوئے کہا کہ جونیئر ٹیم کا یہ پہلا دورہ یورپ ہے جو کھلاڑےوں کے تجربے کے حوالے سے بہت مفےد ثابت ہو گا ۔ لڑکوں کو وارننگ دے رکھی ہیں اگر وہ پرفارم نہیں کریں گے تو ان کے متبادل کھلاڑیوں کو موقع دیں گے۔