فیروزوالہ: 18 سالہ نوجوان نہر میں ڈوب کر ہلاک، 3 دوست بچ گئے
فیروزوالا (نامہ نگار) لاہور روڈ پر واقع نہر اپر چناب خان پور میں نہاتے ہوئے 18 سالہ نوجوان ڈوب کر ہلاک ہو گیا۔ تین دوست بچ گئے۔ بتایا گیا ہے عرفان ٹاﺅن فیروزوالا کا رہائشی 18 سالہ علی رضا اپنے دوستوں کے ہمراہ خان پور نہر پر نہانے کیلئے گئے، وہاں پر نہاتے ہوئے علی رضا گہرے پانی میں ڈوب کر جاں بحق ہو گیا، اسکے تین دوست ڈوبنے سے بچ گئے۔ واضح رہے دو روز قبل عمران نامی نوجوان ڈوب کر ہلاک ہو گیا تھا جس کی نعش نہ مل سکی ہے۔
