اسلام آباد (ثناءنیوز) نو منتخب قومی اسمبلی کے حلف برداری اجلاس میں حلف نہ اٹھانے والے تیرہ ارکان کے نام قومی اسمبلی سیکرٹریٹ سے جاری کر دیئے گئے ہیں۔ قومی اسمبلی کی خواتین کی نو مخصوص نشستوں کے انتخابات بعض حلقوں میں الیکشن نہ ہونے بعض حلقوں میں دوبارہ پولنگ کے باعث کامیاب امیداروں کا اعلان نہیں ہو سکا۔ قومی اسمبلی سیکرٹریٹ کی جانب سے فہرست کے مطابق گزشتہ روز جن ارکان نے قومی اسمبلی کی رکنیت کی حیثیت حلف نہیں اٹھایا ان میں مولانا فضل الرحمان، شاہ محمود قریشی، جمشید دستی، اسد قیصر، پرویز خٹک، شہباز شریف، عمران خان، میر منور علی تالپور، روشن دین جونیجو، شاہدہ رحمانی، شگفتہ جمانی، سید عیسی نوری اور لال چند شامل ہیں۔