اسلام آباد (اے پی اے) فیڈرل بورڈ آف ریونیو نے ہر قسم کے تعمیراتی سامان پر سیلز ٹیکس ری فنڈ کی سہولت ختم کرنے کا نوٹیفکیشن جاری کر دیا۔ ایف بی آر کی طرف سے جاری کردہ نوٹیفکیشن کے مطابق تعمیراتی مٹیریل پر سیلز ٹیکس ان پٹ ایڈجسٹمنٹ کی سہولت نہیں ہو گی۔ ایف بی آر کے مطابق سیمنٹ، اینٹوں، رنگوں، وارنش، ڈسٹمپراور دفتری سامان و مشینری پر یہ سہولت ختم کر دی گئی ہے، وائرز، کیبل، الیکٹریکل اور سینٹری فٹنگ پر بھی سیلز ٹیکس ری فنڈ کی سہولت نہیں ہو گی۔ بجلی اور گیس کے آلات، پائپ، فٹنگ، کراکری اور کٹلری پر بھی سیلز ٹیکس ری فنڈ کی سہولت ختم کر دی گئی ہے۔