ایمسٹر ڈیم(این این آئی) پاکستان جونیئر ہاکی ٹیم آج ہالینڈ سے پنجہ آزمائی کرے گی جبکہ ٹیم کے چیف کوچ رانا مجاہد علی نے کہا ہے کہ میزبان کو زیر کر کے دورے کا آغاز فاتحانہ انداز سے کرنا چاہتے ہیں۔میڈیا رپورٹ کے مطابق گرین شرٹس نے اتوار کو پریکٹس کی اور آج ہالینڈ سے ٹکرائے گی چیف کوچ و منیجر رانا مجاہد علی نے بتایا کہ ہالینڈ کے خلاف پہلے میچ کے لئے حکمت عملی تیار کر لی ہے، میزبان ٹیم کے خلاف کامیابی حاصل کر کے دورے کا آغاز فاتحانہ انداز سے کرنا چاہتے ہیں۔ ہالینڈ کا شمار دنیا کی ممتاز ٹیموں میں ہوتا ہے اس لیے اسے کسی بھی صورت آسان نہیں تصور کریں گے،بھرپور تیاریوں اور حکمت عملی کے ساتھ میدان میں اترا جائے گا۔ میزبان سائیڈ کیخلاف دفاعی یا جارحانہ انداز اپنانے کا فیصلہ میچ کی صورتحال کو دیکھ کر کیا جائے گا۔