لاہور (سپورٹس رپورٹر) لاہور جمخانہ گالف کورس میں کلاسک گالف ٹورنامنٹ اختتام پذیر ہو گیا۔ گراس کیٹگری میں کرنل آصف مہدی نے جبکہ نیٹ سیکشن میں محسن نسیم نے کامیابی حاصل کی۔ گراس میں دیگر نمایاں کارکردگی کا مظاہرہ کرنے والوں میں عمران احمد، محسن ظفر اور ماحد ظفر شامل تھے۔ ٹورنامنٹ کی گراس کیٹگری میں سلمان جہانگیر نے بھی کامیابی اپنے نام کی جبکہ ہینڈی کیپ کی گراس کیٹگری میں رضا علی خان نے جبکہ نیٹ کیٹگری میں عباس علی او تیمور شبیر نے کامیابی حاصل کی۔ ہینڈی کیپ کی 10 سے 18 کی کیٹگری عے گراس میں فاروق اے خان اور میاں طارق مصباح نے جبکہ نیٹ کیٹگری میں محسن نسیم اور علی نذیر مالک فاتح رہے۔ لیڈیز گراس میں سمعیہ جاوید علی نے پہلی، بیلا اعظم نے دوسری جبکہ نیٹ کیٹگری میں فضہ امتیاز نے پہلی پوزیشن اپنے نام کی۔ ویٹرنز میں عبدالستار نے گراس میں پہلی، جاوید حمید نے دوسری جبکہ نیٹ کیٹگری میں جاوید اے ضیاءنے پہلی ائر کموڈور زیڈ آئی احمد نے کامیابی اپنے نام کی۔ سینئرز میں میاں طارق پرویز نے گراس میں پہلی، کرنل عمر سعید نے نیٹ میں پہلی پوزیشن حاصل کی۔ کیڈیز میں 60 گالفرز نے حصہ لیا جس میں یعقوب مسیح نے پہلی، ایم وسیم نے دوسری، جان اور آصف حنیف نے مشترکہ طور پر تیسری پوزیشن حاصل کی۔ چیمپئن شپ کے اختتام پر جان سیورڈ اور ظفر عباس جعفری نے کامیابی گالفرز میں انعقامات تقسیم کئے۔ اس موقع پر میاں مصباح الرحمان اور آغا علی عمران بھی موجود تھے۔