سیالکوٹ(نامہ نگار) نےشنل وےلو کپ باکسنگ چمپئن شپ کے تیسرے پاکستان آرمی کے آٹھ، نیوی کے پانچ، ایئرفورس کے تین، سندھ کے دو،ہائر ایجوکیشن کمیشن اور پاکستان ریلوے کے ایک ایک باکسر نے فائنل کیلئے کوالیفائی کر لیا۔ لائٹ فلائی ویٹ کیٹگری میں سندھ کے جہانزیب نے فاٹا کے رحمت اور آرمی کے این نعمان نے نیوی کے داو¿د خان شکست دی۔ فلائی ویٹ کیٹگری میںنیوی کے ایم ناصر نے سندھ کے حامد حسین اور ریلوے کے سید محمد آصف نے ایئرفورس کے عبدالوحید کو ہرایا۔ بینٹم ویٹ کیٹگری میں ایئرفورس کے نعمت اللہ نے سندھ کے محمد عالم بلوچ اور آرمی کے فرحان محمود نے ریلوے کے محمد رضا کو ہرا کر فائنل کیلئے کوالیفائی کر لیا۔ لائٹ ویٹ کیٹگری میں آرمی کے سجاد علی نے ایئرفورس کے فرید احمد اور نیوی کے شیراز نے پنجاب کے عبدالرحمن کو ہرایا۔ لائٹ ویلٹر ویٹ کیٹگری میں نیوی کے قدیر خان نے بلوچستان کے عبدالخالق اور ایئرفورس کے عدنان حسن نے خیبر پختونخواہ کے ایچ بلال کو شکست دی۔ ویلٹر ویٹ کیٹگری میں آرمی کے اخلاق احمد نے پنجاب کے اعجاز احمد اور ایئر فورس کے ارشد حسین نے نیوی کے تنویر احمد کو ہرایا۔ مڈل ویٹ کیٹگری میں نیوی کے در محمد نے ہائر ایجوکیشن کمیشن کے ذوالقرنین خان اور آرمی کے ذوالقرنین نے پاکستان ریلوے کے عبدالحامد کو شکست دی۔