کوئٹہ (بیورو رپورٹ + نوائے وقت نیوز) ڈیرہ مراد جمالی میں گھر کے باہر نصب بم دھماکے سے پھٹ گیا۔ گوٹھ میر خان بگٹی میں رہائش پذیر نواز خان بگٹی کے گھر کے باہر نامعلوم افراد نے بم نصب کررکھا تھا جو زور دار دھماکے سے پھٹ گیا، دیوار کو نقصان پہنچا تاہم کوئی جانی نقصان نہیں ہوا۔ علاوہ ازیں صحبت پور کے علاقے میں بارودی سرنگ نصب کرتے ہوئے پھٹنے سے ایک شخص ہلاک ہوگیا۔ کوئٹہ پولیس نے اغوا برائے تاوان کے 7 گینگز کے 21 ملزمان کو گرفتار کرلیا ۔