لاہور (سپورٹس رپورٹر) پنجاب نے 120 پوائنٹس کے ساتھ بین الصوبائی کراٹے چیمپئن شپ جیت لی، سندھ نے 105پوائنٹس کے ساتھ دوسری پوزیشن حاصل کی جبکہ خیبر پی کے 45 پوائنٹس کے ساتھ تیسری پوزیشن پر رہی۔ 40کلوگرام کے مقابلو ں میں سندھ کے صبیحِ رضا نے پہلی ‘44 کلوگرام میں سند ھ کے شاہ فیصل نے پہلی ‘ 48کلوگرام میں پنجاب کے علی حسن نے پہلی پوزیشن حاصل کی۔ مقابلوں کے اختتام پر مہمانِ خصوصی جیل احمد چوہان، ڈائریکٹر سپورٹس نے جیتنے والے کھلاڑیوں میں سرٹیفیکیٹس اور ٹرافیاں تقسیم کیں۔