نئی دہلی+ اسلام آباد(سپیشل رپورٹ +آئی این پی)بھارت نے سنگاپور میں بھارتی ہائی کمشنر ڈاکٹر ٹی سی اے راگھون کو پاکستان میں ہائی کمشنر نامزد کر دیا ، پاکستان میں بھارتی ہائی کمشنر شرت سبھروال کی مدت تعیناتی رواں ماہ کے آخر میں ختم ہو جائے گی۔ بھارتی وزارت خارجہ ذرائع کے مطابق بھارتی وزارت خارجہ، ڈاکٹر راگھون جلد ہی پاکستان میں اپنی ذمہ داریاں سنبھال لیں گے،ڈاکٹر راگھون 2003 سے 2007 کے دوران بھی پاکستان میں بھارتی ہائی کمیشن میں خدمات سر انجام دے چکے ہیں، انہوں نے 1982 میں بھارتی وزارت خارجہ جوائن کی تھی۔ چین نے پاکستان میں اپنا نیا سفیر مقرر کر دیا ہے۔ پاکستان میں چین کے نئے سفیر شن وی وانگ ای اکت بیجنگ میں وزارت خارجہ کے ایشیائی امور کے محکمہ کے ڈپٹی ڈائریکٹر جنرل ہیں۔ وہ ایک تجربہ کار سفارت کار ہیں۔ سفارتی ذرائع نے نوائے وقت کو بتایا ہے کہ نئے چینی سفیر اگلے مہینے اپنے فرائض سنبھالنے کے لئے پاکستان پہنچ جائیں گے۔
بھارت/چین ہائی کمشنر