لاہور (خصوصی رپورٹر) وزیر اعلیٰ پنجاب محمد شہبازشریف نے گورنر ہاﺅس میں حلف اٹھا کر صوبہ پنجاب کا تیسری بار وزیراعلیٰ منتخب ہونے کا منفرد اور تاریخی اعزاز حاصل کیا۔ محمد شہباز شریف نے وزارت اعلیٰ کا حلف اٹھانے کے بعد اپنی سابقہ روایت کو برقرار رکھتے ہوئے گارڈ آف آنر نہیں لیا۔ حلف اٹھانے کے بعد وزیراعلیٰ سٹیج سے اترکر اپنے فیملی ممبرز سے ملے۔ بعد میں وہ تقریب میں موجود سیاستدانوں، غیر ملکی سفیروں او ر دیگر اکابرین سے ملے جنہوں نے شہبازشریف کو وزارت اعلیٰ کا عہدہ سنبھالنے پر مبارکباد دی۔تقریب میں موجود مسلم لیگ (ن) کے کارکنوں کی بڑی تعداد "دیکھو دیکھو کون آیا....شیر آیا شیر آیا"، "مسلم لیگ (ن) ...زندہ باد" اور "خادم پنجاب....زندہ باد" کے نعرے لگاتے رہے۔ وزیراعلیٰ نیلے رنگ کے سوٹ میں ملبوس تھے اور انہوں نے سفید رنگ کی شرٹ پہنی ہوئی تھی۔قبل ازیں انہوں نے ووٹوں کی ٹرپل سنچری کیساتھ وزارت اعلیٰ شروع کی۔
ٹرپل سنچری