انڈر 16 فٹ بال چیمپئن شپ آج ایبٹ آباد میں شروع ہو گی
لاہور (سپورٹس رپورٹر) پاکستان فٹبال فیڈریشن کے زیراہتمام انڈر16 فٹبال چیمپئن شپ آج سے ایبٹ آباد میں شروع ہوگی۔ چیمپیئن شپ میں 12 ٹیمیں حصہ لیں گی جنہیں چار گروپس میں تقسیم کیا گیا۔ پاکستان فٹبال فیڈریشن نے چیمپئن شپ کے لئے 4 رکنی ٹیکنیکل کمیٹی کا بھی اعلان کیا جس میں ناصر اسماعیل، سجاد محمود، نجیب اﷲ نجمی اور ایاز بٹ شامل ہیں۔ ٹیکنیکل کمیٹی ٹورنامنٹ کے تمام میچز کا جائزہ لیکر ابھرتے ہوئے کھلاڑیوں کا انتخاب کرے گی جو اے ایف سی انڈر 16 چیمپئن شپ میں پاکستان کی نمائندگی کرینگے۔
