پشاور (دی نیشن رپورٹ) پشاور کے علاقے بڈھ بیر میں نامعلوم افراد کی فائرنگ سے شدید زخمی ہونیوالی پولیو ویکسین ورکر خاتون دم توڑ گئی۔ یہ ورکر جس کا نام ظاہر نہیں کیا گیا 28مئی کو بڈھ بیر کے علاقے کاگا والا میں اس وقت نشانہ بنایا گیا جب وہ اپنے ساتھیوں کے ساتھ بچوں کو ویکسین پلانے کیلئے گئی تھی اس حملے میں اسکی ساتھی خاتون کی موقع پر ہی موت ہو گئی تھی جبکہ مذکورہ خاتون پشاور کے لیڈی ریڈنگ ہسپتال میںزیرعلاج تھی۔ پولیس نے حملے میں ملوث ہونے کے شبے میں بڈھ بیر اور دیگر نواحی علاقوں سے 14افراد کو گرفتار کیا ہے تاہم حملہ آوروں کا سراغ نہیں مل سکا۔