کوئٹہ (نیٹ نیوز) بلوچستان کے وزیراعلیٰ ڈاکٹر عبدالمالک بلوچ کا تعلق ضلع کیچ تربت کے متوسط گھرانے سے ہے۔ وہ تربت سے منتخب ہونے والے پہلے وزیراعلیٰ بلوچستان ہیں۔ ابتدائی تعلیم تربت میں ہی حاصل کی۔ 1973ءمیں میٹرک، 1975ءمیں ایف ایس سی کے بعد بولان میڈیکل کالج کوئٹہ سے ایم بی بی ایس کی ڈگری حاصل کی۔ زمانہ طالب علمی میں بلوچ سٹوڈنٹس آرگنائزیشن سے وابستہ رہے اور بھرپور سیاسی زندگی گزاری۔ 1988ءمیں بلوچستان نیشنل موومنٹ کے ٹکٹ پر انتخابات میں کامیاب ہوئے اور 3 سال وزیر صحت رہے۔ 1990ءمیں کامیابی پر وزیر تعلیم کے فرائض سرانجام دیئے اور 2006ءمیں سنیٹر منتخب ہوئے۔ حالیہ انتخابات میں وہ تربت سے رکن صوبائی اسمبلی منتخب ہوئے۔
پہلے وزیراعلیٰ