چیمپئنز ٹرافی، بھارت اور ویسٹ انڈیز کی ٹیمیں آج آمنے سامنے ہونگی
لندن (اے پی پی) آئی سی سی چیمپئنز ٹرافی میں بھارت اور ویسٹ انڈیز کی کرکٹ ٹیمیں آج کیننگٹن اوول، لندن میں آمنے سامنے ہوں گی۔ تفصیلات کے مطابق چیمپئنز ٹرافی کے آخری ایڈیشن کے دلچسپ اور کانٹے دار مقابلے انگلینڈ میں جاری ہیں، آج گروپ بی میں بھارت اور ویسٹ انڈیز کی ٹیموں کے درمیان کھیلا جائے گا۔ بھارت نے اپنے پہلے میچ میں جنوبی افریقہ جبکہ ویسٹ انڈیز پاکستان کو شکست دے چکا ہے۔ بھارتی ٹیم ایم ایس دھونی اور ویسٹ انڈیز ڈوئن براوو کی قیادت میں میدان میں اترے گی۔
