اسلام آباد (اے پی پی) 32 ویں نیشنل گیمز میں اسلام آباد باسکٹ بال ٹیم کے انتخاب کے لئے 2 روزہ ٹرائلز آج منگل سے آئی ایٹ باسکٹ بال کورٹ میں شروع ہوں گے۔ اسلام آباد باسکٹ بال ٹیم کے کوچ عمران بشیر کے مطابق ٹرائلز میں اسلام آباد بھر کے کھلاڑی شرکت کریں گے اور کھلاڑیوں کے ٹرائلز کوچ عمران بشیر لیں گے۔ ٹرائلز میں سے تربیت کیمپ کے لئے 16 باصلاحیت کھلاڑیوں کا انتخاب کیا جائے گا۔ انہوں نے کہا کہ ایونٹ کی تیاری کے لئے اسلام آباد باسکٹ بال ٹیم کا تربیتی کیمپ 13 جون سے آئی ایٹ کورٹ میں شروع ہوگا۔ واضح رہے کہ 32 ویں نیشنل گیمز 28 جون سے 4جولائی تک اسلام آباد میں شروع ہوگا۔