جوڈو ایسوسی ایشن کے زیراہتمام اسلام آباد کی مرد و خواتین ٹیم کے ٹرائلز 14 جون کو ہونگے
اسلام آباد (این این آئی) جوڈو ایسوسی ایشن کے زیراہتمام اسلام آباد کی مرد و خواتین ٹیم کے ٹرائلز 14 جون کو شہزاد ٹاﺅن میں ہونگے۔ اسلام آباد جوڈو ایسوسی ایشن کے صدر ظریف احمد کے مطابق ٹیم 32 ویں قومی گیمز میں حصہ لے گی۔ انہوں نے کہا کہ کھلاڑیوں کے انتخاب کے بعد قومی گیمز کی تیاری کے سلسلہ میں کھلاڑیوں کا دس روزہ تربیتی کیمپ بھی لگایا جائے گا جس میں کوچ معین الدین کھلاڑیوں کو اعلیٰ اور جدید تربیت دیں گے۔
