لاہور (سپورٹس رپورٹر) آئی سی سی چیمپیئنز ٹرافی سے آوٹ ہونے کے ساتھ ہی تین ہفتوں کے لیے تعینات پاکستانی ٹیم کے بیٹنگ کوچ ٹرینٹ وڈ ہل کا معاہدہ بھی اختتام پذیر ہو گیا۔ پاکستان کرکٹ بورڈ نے ٹرینٹ وڈ ہل کی چیمپیئنز ٹرافی کے لیے خدمات حاصل کی تھیں۔ ان کے معاہدہ میں توسیع ٹیم کی کارکردگی سے مشروط تھی۔ چیمپیئنز ٹرافی میں ٹیم کی مایوس کن کارکردگی کے ساتھ ٹرینٹ وڈ ہل کا مستقبل بھی ختم ہو گیا ہے۔