لاہور(سپورٹس رپورٹر) ورلڈ کپ کی تیاریوں کے حوالے سے قومی جونیئر ہاکی ٹیم کا دورہ یورپ مکمل ہو گیا۔ پاکستان جونیئر ٹیم نے رواں سال بھارت میں منعقد ہونے والے عالمی کپ ٹورنامنٹ میں شرکت کرنی ہے جس کی تیاریوں کے سلسلہ میں دورہ یورپ کا اہتمام کیا تھا۔ دورہ یورپ میں پاکستان جونیئر ٹیم نے ہالینڈ، جرمنی اور بلجیئم کے خلاف ٹیسٹ میچز کی سیریز میں حصہ لیا تھا۔ پاکستان جونیئر ہاکی ٹیم کے ہیڈ کوچ رانا مجاہد کا کہنا ہے کہ جونیئر کھلاڑیوں کو دورہ کا بہت فائدہ ہوا ہے۔ ہم نے یورپین ٹیموں کے خلاف میچز میں ٹیم کے مختلف کمبی نیشن تیار کیے ہیں تاکہ ورلڈ کپ کی بہتر انداز میں تیاری کی جا سکے۔